Кімнің құлы болсаң соны мақтарсың

Мейрімді, рақымды Алланың атымен бастаймын!

Түрлі қиындықтары көп, жанды қажытатын уайым-қайғы, өкініштері де жиі еңсені басатын  бұл тірлікте  адам баласы өзінің өмірін жайлы, әрі қызғылықты өткізудің жолдарын іздестірумен болады. Өйткені, ауырлықтан қашып жеңілдікке ұмтылу көңіл қалауы. Сондықтан  адам баласы өзіне жеңілдік, жақсылық, табыс  әкелетіндей көрінетін нәрсенің  бәріне де басы байланып тәуелділікке түсуге бейім тұрады.

Олар небір жын-шайтан, аруақ тәрізді тылсым күштерге бас иеді,  небір «мықты» адамдардың қолтығының астына кіріп соларға қызмет етеді, немесе оңай, әрі тиімді небір табыс көздерінің орайын іздеп табады. Осылайша  болашағына деген сенімділік, жанына жайлылық, ісіне жеңілдік  сезінген адам олардан бас тарта алмай, бірте-бірте солардың  құлына айналып тынады.

Мұндай адам  өзінің  таңдауының бұрыс екендігін ойлап, істеп жүрген істерінің   жаман екендігін біліп,  түсінуге тырыспайды.  Себебі, оның бар іздегені  жеңілдік пен өз қалауын алу ғана. Егер қолдау көріп, табыстары артып, сол арқылы болашағына деген сенімі бекіп өзін жақсы сезінетін болса оған басқа нәрсеге алаңдап бас қатырудың қажеті не?

Алланы еске алумен жүректер орнығады

Мейрімді, рақымды Алланың атымен бастаймын!

Өкініш, күйініш, торығу, түңілу тәрізді  сезімдер адам баласына осынау  өткінші  дүниенің жалғандығын  сезіндіретін күйікті сезімдер. Бұл дүниеде өзінің бар қиындықтарын шешіп тастадым деп ойлайтын бір  адам болса оның өзі де үнемі қанағат сезімін бастан кешіріп қуанышта өмір сүре алмайды. Ондай жанның да  көңіл түкпірінен өмірге  қанағаттанбаушылық, өкініш тәрізді түсініксіз бір сезімдер бой көтеріп, ол да қараптан қарап мұңға беріліп іштей құлазуды бастан кешіреді.

Осынау адам баласына ғана тән болып келетін, кейбір сәттерде оның  еңсесін езіп  жігерін жүн ететін өкініш, күйініш, торығу, түңілу тәрізді ауыр сезімдер өз қалауын болдыра алмай, Алланың қалауына сабыр ете алмай,  оны өзгертуге тағы да шамасы келмеген шарасыз дәрменсіздіктен туған сезімдер. Бұлар Алланың маңдайға жазған тағдырына деген қарсылық сезімдер. Демек, бұлар Аллаға қарсылық сезімдер. Сондықтан  бұлар күнә сезімдер.

Қандай болмасын күнә тәубе ету арқылы, Алланың ризалығы үшін атқарылатын құлшылық амалдар арқылы өтеледі. Олай болса өкініш, күйініш, торығу, түңілу  тәрізді ауыр сезімдер Аллаға иман келтіріп Оның өзіне міндеттеген парыз құлшылықтарын  мұқият өтейтін діндарларға тән емес деп айтуға болады.  Себебі, мұндай діндарлардың жүректері құлшылық арқылы мұндай күнә сезімдерден тазарып отырады.

Қазақтың сыр сандығы қазыналы

Мейрімді, рақымды Алланың атымен бастаймын!

Қазақты қазақ етіп тұрған оның тілі. Егер қазақ өзінің тілінен айырылатын болса онда  қазақы сана да өшеді. Сол кезде қазақтың  өз ұлдарын елдік пен ерлікке сусындатқан асқақ рухы өледі. Сол кезде осынау сағым ойнап, мұң тұнған сары далада түрі қазақ болғанмен тілі басқа, аты қазақ болғанмен ділі басқа, «елім» деп соққан ыстық жүрегі мүлде суып, «бақ-дәулет» деп аптыққан тілегі ғана қалған қазақ халқының сүлдесі ғана қалады. 

Қазақтың тілінсіз қазақтың ғасырлар бойына жинақтаған бай мұрасы, қалыптастырған өзіндік дүниетанымы қолданыс таппай қазақ жанының терең де нәзік иірімдері өзін қалыптастырған, өзіне нәр беріп, бағыт көрсететін төл рухынан айрылып қалады. Мұндай жағдайда қазақ міндетті түрде өзгелердің таным-түсініктерін қабылдап, олардың әбден таптауырын етіп, бар қазынасын сарқып тастаған жолдарын босқа шиырлап, ойына нәр, жанына әр таппай рухани дағдарысқа ұшырайтын болады.               

Халықтың тілі мен оның жан-дүниесі арасында тығыз байланыс бар. Халықтың жан-дүниесі тіл табиғатынан көрініс тапса, тіл сиқырына бойламай халықтың жанын түсіну мүмкін емес. Тілдің құдіреті сонда адам жаны тіл арқылы, тіл ерекшеліктері арқылы өзінің белгілі бір қырларын ұштап, белгілі бір қасиеттерін дамытуға мүмкіндік алады.

Я – русский, где я - там Россия

Во имя Аллаха милостивого, милосердного!

pedrillo   Оголтелый нацизм и поносная русофобия. Кто-то даже уйгуров приплел к конфликту, которые вообще далеки от сего конфликта. Никто украинские земли не захватывал. Крым - был российским до 1954 г., и то, что Россия считала его своим, так это из исторической справедливости.

Народ Крыма сам добровольно изъявил желание уйти от Украины. Конституция Украины предусматривала права Крыма на референдум. Референдум прошел и крымский народ, почти 100% проголосовал за отделение от Украины и присоединение к России. Каждый народ должен сам выбирать свою судьбу. Увы их не спрашивали, когда передали в состав Укр. ССР.

Украина никакого отношения к Крыму не имеет. Севастополь - город боевой русской славы, русские солдаты защищали в нескольких войнах. В Крымскую, против турков, в ВОВ против немцев и т.д. Так неужели защищая Крым вовремя ВОВ от фашистов, они теперь отдадут его новым неонационалистам?! Нет уж!

Дін жоқ жерде адалдық та болмайды

Мейрімді, рақымды Алланың атымен бастаймын!

Қандай қоғам, қандай мемлекет  болмасын өз азаматтарынан адалдықты талап етеді. Өйткені, өз істеріне жауапкершілікпен қарап, өзіне жүктелген  міндеттерді абыроймен  атқаруы үшін    адамның бойында адалдық қасиет болуы тиіс. Адалдық  жоқ жерде  қандай  биік мақсаттар мен кемел заңдар   өз  орындаушыларын таппағандықтан тек қағаз  жүзінде ғана қалатын болады.

Сондықтан қоғам да, мемлекет те өз азаматтарының адалдығына мұқтаж. Бірақ, көп жағдайда қоғам да, мемлекет те өз азаматтарының бойында адалдық сезімін қалай қалыптастырып, оны қалай жоғары деңгейде ұстап тұрудың  жолдарын біле бермейді. Тіпті білген жағдайда да  оны мемлекеттік деңгейде басшылыққа алудан бас тартады.

Мұндай қоғамдарда, мұндай мемлекеттерде  адами қарым-қатынастар мен мемлекеттік заңдар адамдардың бір-бірінің алдарында есеп беруіне  негізделген. Яғни, адамдар қоғамда қалыптасқан моралдік заңдар мен мемлекеттік заңдар аясында бір-біріне есеп беруге тиісті. Мұндай жүйеде  адамның ішкі дүниесі назардан тыс қалып жатады. Өйткені, мұндай жүйе үшін адамның  ішкі  дүниесі маңызды емес, тек оның   қалыптасқан заңдар аясынан шықпауы ғана маңызды.